【社區藥房說明書】社區藥房點止買奶粉咁簡單？一文拆解大眾對「社區藥房」誤區！

喺香港，行兩步就有一間掛住「紅十字」標誌嘅舖頭。好多街坊會覺得：「社區藥房？咪又係同普通藥房一樣，入去買藥膏、買尿片，有咩分別？」

其實分別大啦！隨住香港推動基層醫療，「社區藥房」 已經轉型成為你嘅健康守護站。今日就等我哋拆解一下，一間有專業系統同共融理念嘅社區藥房，點樣幫你全家食藥食得更安心！

一、 小病小痛，唔使吓吓衝急症室

有時頭暈身㷫唔知揾邊個，去急症室分流等成幾粒鐘，診所俾藥又無解釋點樣食？其實社區藥房入面位註冊藥劑師，絕對係你嘅「救命恩人」。

• 專業諮詢： 藥劑師唔止係執藥，佢哋係藥物專家。普通感冒、濕疹發作、或者腸胃唔舒服，藥劑師可以即時幫你評估，畀專業建議你。
• 社區藥房幫手分擔 ： 唔使吓吓去醫院，減少交叉感染風險，最重要係慳返好多時間！

二、長期病患配藥，唔使再返醫院「排長龍」

如果你屋企有長者要食長期病患藥（血壓藥、糖尿藥等），一定明白嗰種辛苦：去醫院覆診 10 分鐘，排隊攞藥要 3 粒鐘！

• 社區配藥新趨勢： 醫務衞生局局長盧寵茂喺《基層醫療健康藍圖》入面講過，政府目標係將醫療重心由醫院搬返去社區。長期病患者嘅街坊，日後可以拎住醫管局藥單，直接喺屋企附近受認可嘅社區藥房攞藥，慳返唔少腳力同時間。

三、幫你藥箱「大掃除」，做你嘅個人藥物管家

好多人屋企個藥箱擺滿晒過期藥，或者唔同地方攞完藥就幾隻藥撈埋一齊食，其實好危險！

• 醫健通（eHealth）把關： 社區藥劑師可以幫你做「藥物整合」，清走過期或者重複嘅藥物。 透過電子系統，社區藥劑師可以即時睇返你喺醫院嘅藥歷。唔使怕「藥撞藥」，亦唔怕喺出面買錯藥，藥劑師會幫你守住最後一道防線。根據政府《藍圖》規劃，藥劑師會變做你嘅「個人健康管理員」，幫你檢查用藥習慣，避免藥物浪費之餘，確保你食得精準、食得安全！

將時間留畀家人，將健康交畀專業

「社區配藥」唔單止係一項政府政策，更係一種生活品質嘅提升。正如《基層醫療健康藍圖》所描繪的未來：我們不再需要為了幾排藥而耗費大半天在醫院排隊。