Blog 博客 | PharmCare 醫藥通

【小病小痛對策】大時大節食滯咗？唔洗去醫院排長龍！社區藥房幫到你！

2026-08-27Blog 博客, 小病小痛對策

【小病小痛對策】大時大節食滯咗？唔洗去醫院排長龍！社區藥房幫到你！每逢大節當前、週末聚餐或者深夜宵夜，面對成枱美食，真係好難忍口。隨之而來嘅往往就係胃脹、腹脹、打嗝嘔酸、甚至噁心想吐嘅「食滯」症狀。呢類常見嘅「小病小痛」，最快就係去你屋企附近嘅社區藥房！一、藥劑師如何幫你紓緩「食滯」？常見非處方藥物分類症狀表現藥劑師建議藥物類型作用原理胃部脹氣、腹脹消脹氣藥 (Simethicone) 改變胃部氣泡表面張力，讓微小氣泡凝聚成大氣泡排出，快速打嗝排氣。腸胃蠕動慢、食物停滯促腸胃動力藥 / 助消化酶促進胃部排空，或補充消化酶協助分解過多的脂肪與蛋白質。胃酸倒流、灼熱感抗酸劑 (Antacids) / H2受體阻斷劑中和過多胃酸，減輕胃酸刺激胃壁或食道的灼熱感。胃痙攣、陣發性絞痛解痙藥 (Antispasmodics) 放鬆腸胃平滑肌，減輕消化不良引致的陣發性胃痛。註：如果你有長期食開其他藥物，記得出聲話畀藥劑師知，確保新買嘅藥唔會同你本身嘅藥相沖。二、幾時要即刻睇醫生？絕大部分食滯，社區藥房都可以幫到手。但如果有以下情況，就真係要去睇醫生：疼痛劇烈或持續：痛到無法站直、發冷汗，或服藥 1–2 天後完全沒有改善痛點轉移：痛楚從上腹部轉移至右上腹或右下腹消化道出血徵兆：嘔吐物帶血或呈現黑咖啡渣狀、排出黑色大便全身性症狀：伴隨高燒、黃疸（皮膚或眼白發黃）、吞嚥困難或不明原因體重下降三、藥劑師的日常生活小貼士除咗食藥，都有幾項家居護理建議俾大家：飯後唔好即刻瞓低：坐喺度或者慢慢行半個鐘，幫助消化之餘，仲可以減少胃酸倒流飲啖暖水或薄荷茶：有助腸胃蠕動，但切記要慢慢飲，一次過灌太多水反而會加重胃嘅負擔下一餐減量清淡：給予腸胃 12–24 小時休養期，唔好再大魚大肉。下次再遇到食滯或腸胃不適，不妨先走入附近社區藥房，等專業藥劑師為你評估症狀，推薦最合適嘅藥物。醫藥通正全力支援全港社區藥房數碼化，透過專業系統與醫健通對接，藥劑師能更精準守護大衆用藥安全。 👇🏻歡迎藥房預約免費演示，我哋顧問會馬上聯絡你！👇🏻 聯絡我們

【藥房實戰攻略】衛生署突發「藥物回收」公告！醫藥通三步幫你揾出受影響藥物批次

2026-08-25Blog 博客, 藥房實戰攻略

【藥房實戰攻略】衛生署突發「藥物回收」公告！醫藥通三步幫你揾出受影響藥物批次根據現行藥物回收指引，當藥劑製品被發現有潛在品質、安全或藥效問題時，就可能需要進行回收。而零售藥房作為回收其中一環，有責任即時將受影響藥物從貨架移走。對藥劑師而言，標準嘅處理程序主要包含三項核心工作：查找受影響批次、隔離存貨、應對客戶查詢。如果藥房仲用緊傳統紙本簿冊紀錄，藥劑師往往要翻查大量紙本進貨單同逐個藥櫃對，費時失事之餘仲好容易漏咗。善用「醫藥通」數碼系統嘅自動化警示與批次管理功能，可以令合規排查變得精準又高效。第一步：首頁 Dashboard 實時接收「藥物回收」警示藥劑師每日登入「醫藥通」系統時：可以前往系統儀表板查看【藥物回收】與【安全警示】區塊系統會自動整合並同步最新公告藥劑師點擊公告連結，即可第一時間獲知被點名的「藥物名稱」與「受影響批次號碼（Batch No..）」第二步：一鍵搜尋庫存，確認是否持有受影響批次藥劑師需即時排查門市與倉庫是否有該批次存貨：點選頂部選單【庫存管理】 ➔ 【產品詳情】。於搜尋列選擇下拉選單【藥物/產品名稱(英)】或【藥物註冊號碼 (HK-XXXXX)】輸入目標藥物。點擊進入該藥物的產品頁面，滑動至【備註】或【價錢資料】區塊。系統會清晰條列出該藥物目前在庫的所有【批次號碼】、【過期日】及【庫存量】。藥劑師可瞬間對照：若清單中顯示該回收批號且庫存量大於 0，即可確認門市持有受影響藥物。第三步：執行「庫存調整」，將受影響批次停用與隔離確認持有受影響批次後，必須找出貨品隔離，防止前線人員誤配：在該產品頁面的備註區塊中，找到受影響的批次號碼，點選右側操作欄的【上下箭頭 (⇅)】圖示，即可彈出【庫存調整】視窗選擇對應的回收批號輸入欲扣減/隔離的數量：特別留意必須填寫負數（如 -20）才能正確扣減庫存；若填寫正數（如 20）系統會變成增加庫存在【調整代號】下拉選單中，精準選擇 […]

【社區藥房説明書】去醫院、診所定社區藥房？選擇最適合你嘅醫療服務

2026-08-21Blog 博客, 社區藥房説明書

【社區藥房説明書】去醫院、診所定社區藥房？選擇最適合你嘅醫療服務身體唔舒服，好多時都諗：「應該去急症室？私家診所？定係落樓下藥房問吓藥劑師算？」其政府近年推動基層醫療，目標就係等大家「小病在社區」，嚴重危急嘅病先去急症室，等大家都可以。以下用最簡單嘅方式，幫大家一次分清楚，下次唔舒服就知道去邊度最啱。一、四者最大分別一覽項目醫院急症室／專科私家診所／家庭醫生家庭醫學診所（公營）社區藥房主要人員醫生、護士、專科團隊醫生、護士醫生、護士、跨專業團隊註冊藥劑師 + 配藥員／助理核心職責處理危急、嚴重或複雜病情診斷疾病、開處方、跟進病情提供可負擔的診症及長期病跟進藥物安全把關、用藥諮詢、小病支援官方定位第二、三層醫療基層醫療核心選擇之一公營基層醫療安全網基層醫療的初始接觸點適合情況胸口劇痛、呼吸困難、突然半邊身無力、嚴重外傷、大量出血、意識模糊等危及生命嘅情況持續發燒、喉嚨痛、咳幾日唔退、腸胃不適、皮膚出紅疹等需要醫生診斷嘅問題糖尿、高血壓等穩定慢性病嘅定期覆診；感冒、腸胃炎等偶發性疾病（可經HA Go或電話預約24小時內診症）有醫生處方要配藥或了解用藥方法；想查詢藥物正確食法或注意事項；輕微不適想先問吓使唔使睇醫生；長期食藥想整理用藥紀錄；需要健康產品或醫療用品嘅使用建議二、點樣判斷去邊度？其實記住四句就夠：危急嚴重 → 去醫院急症室要醫生診斷 → 去私家診所／家庭醫生要公營醫療服務或長期病跟進 → 去家庭醫學診所用藥問題、輕微不適 → 先去社區藥房問藥劑師如果長者自己唔肯定，家人可以幫手問幾個簡單問題：有冇呼吸困難、心口痛、半邊身唔郁得？有就即刻叫白車。係咪發燒、咳、痾，需要醫生睇吓？係就去診所。如果只係想知點樣食藥、有冇副作用，去社區藥房問藥劑師已經可以。 […]

【藥房經營秘笈】切勿以身試法！拆解藥房最易中招嘅違規位

2026-08-19Blog 博客, 藥房經營秘笈

【藥房經營秘笈】切勿以身試法！拆解藥房最易中招嘅違規位做藥房生意，最值錢嘅唔係貨架上有幾多藥，而係街坊對你嘅信任。一旦因為違規被定罪、被釘牌，累積返嚟嘅口碑就一鋪清袋。各位藥房老闆都要主動了解最常出事嘅違規位，做好防範，先可以守住盤生意。 ⚖️ 陷阱一：違法使用「藥房」標識、名銜與標誌好多藥行或者零售店嘅老闆，為咗睇落專業啲、吸引多啲客，會喺招牌、海報甚至社交媒體上用「藥房」字眼或者紅十字、Rx符號，但其實已經觸犯法例！ 📜 法例要求：根據《藥劑業及毒藥條例》（第138章）第13條：名銜專用：只有獲發牌嘅「獲授權毒藥銷售商」（即註冊藥房），先可以用「藥房」、「Pharmacy」、「Dispensary」呢啲名銜。標誌限制：藥行或一般零售店，絕對唔可以展示紅十字、Rx符號或任何類似藥房嘅標誌。 ⚠️ 一經定罪，最高可被判處罰款 $100,000 及監禁 2 年。陷阱二：銷售及／或管有未經註冊的藥劑製品為咗追求更高的毛利率，東主應顧客要求引進外地未經註冊嘅「水貨」藥物販售（如日本、澳洲、台灣熱門 OTC 藥物），其實同樣觸犯法例，千祈唔好以爲大牌子就冇問題！ 📜 法例要求：根據《藥劑業及毒藥規例》（第138A章）第36條：一定要註冊：所有喺香港賣嘅藥劑製品，必須先向管理局註冊，取得HK-XXXXX格式嘅註冊編號。水貨即違法：就算嗰隻藥喺外地合法，只要冇香港註冊編號，喺香港賣或管有都係違法。 ⚠️ 一經定罪，最高可被判處罰款 $100,000 及監禁 2 年。陷阱三：無註冊藥劑師在場下售賣第 1 部毒藥，或未有在毒藥簿冊作出紀錄人手唔夠、嫌寫簿麻煩？有時仲會喺藥劑師唔喺場嘅情況下賣藥？衛生署巡查時一發現，隨時檢控。 📜 法例要求：根據《藥劑業及毒藥條例》（第138章）：藥劑師必須在場：賣第1部毒藥，一定要有註冊藥劑師喺場監督。一定要登記：每次賣第1部毒藥，必須即時喺毒藥簿冊記錄日期、買家姓名地址、藥物名稱及數量等。 ⚠️ 漏登記最高罰5,000元；如果涉及非法賣第1部毒藥或處方藥，最高罰10萬元及監禁2年。藥房老闆點樣可以避免墮入法網？嚴查供貨來源入貨時唔好貪平買來路不明嘅貨。一定要向持牌批發商攞貨，要求供應商提供有HK-XXXXX註冊編號嘅發票同品質證明。搞清楚自己間舖如果牌照係「藥行」，招牌同宣傳品絕對唔可以出現「藥房」、「配藥」、「Rx」等字眼，唔好俾人誤會。用數碼系統代替手寫紀錄傳統手寫登記冊容易漏寫、字跡模糊，衛生署一查就中招。引入數碼化藥房管理系統（好似「醫藥通」），可以幫你自動記錄配藥紀錄：每次配藥自動存入系統，清清楚楚，唔怕漏咗毒藥簿冊嘅記項，避過罰款、停牌。

【小病小痛對策】生眼挑針又痛又礙眼？藥劑師教你正確處理與用藥須知

2026-08-14Blog 博客, 小病小痛對策

【小病小痛對策】生眼挑針又痛又礙眼？藥劑師教你正確處理與用藥須知「藥劑師，我隻眼呢兩日又紅又痛，眼皮仲突起咗粒嘢，係咪生眼挑針？使唔使即刻睇醫生？敷熱毛巾有用定敷冰有用？」呢個係社區藥房好常見嘅查詢。眼挑針雖然唔係大病，但痛起上嚟真係好困擾，仲會影響外觀。今次就同大家拆解眼挑針嘅成因、正確處理方法，以及社區藥房可以提供嘅藥物諮詢支援。一、乜嘢係眼挑針？點解會生？眼挑針嘅學名係麥粒腫（Hordeolum / Stye），簡單嚟講就係眼瞼嘅皮脂腺或油脂腺受到細菌感染（最常見嘅係金黃色葡萄球菌），引致急性發炎化膿。眼瘡其實分為兩類：眼挑針（麥粒腫）眼瘡（霰粒腫）成因細菌感染，急性化膿油脂腺阻塞，慢性炎症症狀紅、腫、熱、痛，常有黃色或白色膿點圓形無痛腫粒，可喺皮下移動性質急性慢性常見誘發原因包括：用手捽眼：將手部細菌帶到眼瞼腺體化妝卸得唔乾淨：眼線筆、睫毛液堵塞腺體出口戴隱形眼鏡習慣唔好：清潔唔足或戴住過夜睡眠不足、壓力大：免疫力下降，油脂分泌失調高危一族包括小朋友（成日捽眼、腺體未成熟）同經常化妝嘅女士。二、居家護理熱敷係關鍵發現眼皮開始紅腫微痛嗰陣，最常見嘅處理方法就係「熱敷」，熱敷可以幫助暢通被堵塞嘅油脂腺，促進血液循環，有助膿液自然排出同消腫。一般做法：用乾淨毛巾沾約40°C溫水，揸乾後敷喺患處每次敷 10至15分鐘每日重複最少3至4次持續敷 1至2星期，直至症狀消退另一個方法：用烚熟嘅熱雞蛋，用乾淨薄毛巾包住嚟敷，效果一樣好。三、絕對禁忌：千祈唔好用手擠！眼皮周圍血管密集，同腦部靜脈竇相通。用手擠壓或自己用針刺破，極易將細菌推得更深，可能引致嚴重嘅眼眶蜂窩組織炎。另外要留意：如果眼挑針炎症明顯或痛楚加劇，應該停止熱敷，改為短時間冷敷嚟減輕不適。幾時要即刻睇醫生？雖然大部分眼挑針可喺1至2星期內經熱敷及基本護理後自行消退，但若出現以下情況，請務必盡快求醫：影響視力：腫塊過大壓住角膜，導致視力模糊紅腫擴散：紅腫唔止喺眼皮，已擴散到眼眶甚至面部劇痛或發燒：伴隨發燒、極度劇痛或大量膿液流出反覆發作或幾星期唔退：可能已轉為霰粒腫，或需眼科醫生處理長者反覆出現眼瘡：需留意會否係其他問題嘅警號，應盡快求診四、社區藥劑師可以點樣幫到你？ […]

【藥房實戰攻略】病人嚟藥房問配過咩藥？醫藥通幫你快速尋找完整記錄

2026-08-12Blog 博客, 藥房實戰攻略

【藥房實戰攻略】病人嚟藥房問配過咩藥？醫藥通幫你快速尋找完整記錄社區藥房前線每日都收到唔少查詢，其中一類最常見亦最棘手嘅，可能就係病人拎住一堆藥片，講唔出藥名，淨係記得上個月配過，但就好心急想確認自己食緊邊幾隻藥。如果仲靠傳統紙本登記冊或者POS系統，要喺幾千筆紀錄入面逐頁翻，真係有排搵。今次同大家介紹點樣透過「醫藥通」社區藥房管理系統，用三個簡單步驟，快速調出病人嘅完整配藥紀錄，幫病人、幫照顧者準確掌握用藥資訊。第一步：搜尋病人檔案收到家屬查詢嗰陣，藥劑師可以點擊系統頂部嘅「病人列表」，喺搜尋欄輸入病人嘅姓名（中英文）、電話號碼、身份證號碼或者檔案編號。系統有即時模糊搜尋功能，就算家屬淨係記得電話號碼或者名字，都一樣可以快速鎖定目標檔案，唔使逐頁慢慢搵。第二步：檢視配藥紀錄入到病人個人頁面之後，系統會載入「配藥記錄」介面，藥劑師可以一眼睇晒所有完成或未完成的配藥記錄：處方與非處方分類配發日期與狀態詳細服藥指引過敏與不良反應警示第三步：對比歷史時間線如果病人配藥次數比較多，想回顧近幾個月嘅用藥轉變，可以點擊「歷史紀錄」分頁。系統會以時間綫形式，清楚展示每次配藥嘅完整藥物清單，藥劑師仲可以用右上角嘅搜尋列，輸入特定藥物名稱或關鍵字，即時篩選相關紀錄，快速掌握病人嘅用藥歷程。總結以前要靠紙本登記冊逐頁翻查，家屬等得心急，藥劑師亦擔心遺漏紀錄。而家透過醫藥通系統，只需三個步驟——搜尋病人檔案、檢視配藥紀錄、對比歷史時間線——就可以搵到病人嘅完整用藥歷史。系統嘅模糊搜尋同時間線展示，令查閱過程更流暢準確，唔怕漏睇任何一次配藥紀錄。下次再有家屬拎住藥片嚟查問，藥劑師都可以從容應對，快速畀到清晰答案，發揮數碼化系統喺前線嘅實戰價值。 👇🏻想親身體驗醫藥通如何幫你間藥房效率、營業額雙升級？👇🏻 聯絡我們

【社區藥房說明書】原廠藥 vs 副廠藥，到底有咩分別？配藥前你要知！

2026-08-07Blog 博客, 社區藥房説明書

【社區藥房說明書】原廠藥 vs 副廠藥，到底有咩分別？配藥前你要知！「去社區藥房配藥，藥劑師問我轉唔轉副廠藥，話成分一樣但平好多。副廠藥到底係咩？效果同原廠藥有冇分別？食咗會唔會冇咁有效？」相信唔少市民配藥時，聽到「副廠藥」三個字都會有所顧慮或好奇，就等我哋同你講清楚。一、副廠藥係咩嚟？同原廠藥有咩關係？原廠藥（Brand-name Drug）藥廠由零開始研發新藥，花費數億美元同十年八年臨床試驗，成功後擁有專利權，獨家生產。副廠藥（Generic Drug，通用名藥物）當原廠藥專利期滿，其他合資格藥廠就可以根據公開嘅藥方，生產相同有效成分嘅藥物，就係我哋講嘅「副廠藥」。即使公立醫院都會采購配發副廠藥，所以副廠藥的安全性與品質與原廠藥同樣有保障。二、副廠藥安全嗎？效果會唔會差啲？副廠藥申請香港藥物註冊時，必須提交生物等效性，簡稱 BE嘅研究報告。證明副廠藥食落肚之後，身體點樣吸收、幾時吸收、吸收幾多，都要同原廠藥幾乎一樣，先至可以獲准註冊，確保臨床療效同安全性都與原廠藥相若。很多人以為副廠藥係「無名小廠」生產，但事實上，好多全球頂尖嘅原廠大藥廠，自己旗下都有龐大嘅副廠藥品牌，品質同控管都係國際最高標準： Sandoz（山德士）：原本係全球頂級原廠藥廠 Novartis（諾華）旗下嘅副廠藥事業部，香港公立醫院同社區藥房都大量採用例：降血壓藥奧美沙坦 Olmesartan Viatris（暉致）：暉致是由邁蘭(Mylan) 和輝瑞普強(Pfizer Upjohn) 於2020年11月合併而成的跨國醫療保健公司，專門生產高品質嘅副廠藥。例：降膽固醇藥阿托伐他汀 Atorvastatin Teva（特華）：全球數一數二嘅跨國藥企，產品遍佈全球醫院同藥房，品質對標國際最高規格。例：降血壓藥替米沙坦 Telmisartan 三、社區藥房醫生紙配藥重要注意事項必須出示處方正本：根據《藥劑業及毒藥條例》，配發處方藥物或相關副廠藥時，仍需帶同有效嘅醫生處方正本，方可辦理配藥手續。處方替換條款限制：若處方正本上已明確標明指定原廠藥物，或沒有標明「除非特別指明，否則允許替換副廠藥」等字眼，藥劑師依法均不能隨意配發或替換為副廠藥。遵從專業指示：每位患者的病情與體質不同，使用或切換任何藥物前，請務必遵從醫生或註冊藥劑師嘅專業意見同指示。醫藥通正全力支援全港社區藥房數碼化，透過專業系統與醫健通對接，讓藥劑師能更精準守護大衆用藥安全。 👇🏻歡迎藥房預約免費演示，我哋顧問會馬上聯絡你！👇🏻 聯絡我們

【藥房經營秘笈】把握銀髮商機三大方法教你將街坊轉化為長期穩定客源

2026-08-05Blog 博客, 藥房經營秘笈

【藥房經營秘笈】把握銀髮商機三大方法教你將街坊轉化為長期穩定客源行入香港任何一間社區藥房，最常見嘅畫面一定係一班老街坊日日嚟幫襯。但好多藥房老闆都有同一個煩惱：「阿伯阿婆日日入嚟，但次次都係買幾廿蚊止痛貼或者藥油，點樣先可以令佢哋買多啲、買密啲？」隨住香港人口老化，政府又大力推基層醫療同慢病共治，銀髮族嘅消費力絕對唔止於此。佢哋對居家照顧、長期病管理同提升生活質素嘅需求好大，只係好多藥房未識得點樣滿足佢哋。社區藥房只要掌握「貨品組合升級」同「數碼化長期病管理」兩個策略，就可以將呢班忠誠度極高嘅老街坊，轉化為藥房最穩定嘅收入來源。一、升級產品組合，由平價藥走向高毛利健康配套好多藥房仲停留喺賣傳統成藥同日用品的模式，但長者嘅真正需求在於居家安全、營養補充同長期病管理。你可以引入以下三類高毛利產品：康復及照顧工具：防滑拐杖、浴室扶手、沖涼凳、壓力襪、血壓計同血糖機套裝。呢類產品單價高，而且係長者日常必需，利潤空間大。專用營養補充品：針對肌肉流失、關節退化或三高問題，引入高蛋白營養粉、高純度魚油、葡萄糖胺、鈣片及輔酶Q10等。由藥劑師主動講解，客人接受度高，輕鬆做到交叉銷售。無糖或特殊膳食食品：代糖零食、低鈉調味料、高纖餅乾、軟餐食等，增加長者定期幫襯嘅理由。二、營造長者友善門市，提供貼心適切服務門市唔止要做買賣，仲要提供多類型嘅健康服務先更易留住佢地：設立小型健康諮詢區：免費幫街坊量血壓、驗血糖，呢個舉動唔單止回饋社區，更加係收集健康數據、建立長期關係嘅最佳切入點。推行藥物管理服務（MMS）：幫同時食緊十幾種藥嘅長者整合所有藥物，釐清重複用藥同相沖風險，整理成清晰嘅服藥時間表。呢種貼心服務令長者覺得你真正關心佢哋，自然會黐實你。推薦合適營養補充品：例如發現長者血壓穩定但有關節痛，就可建議唔影響血壓藥嘅葡萄糖胺或Omega-3，呢種有根有據嘅推薦先係長者最想要嘅。三、善用數碼工具幫你自動留住客人要將長者變成穩定回頭客，最關鍵係令佢哋按時返嚟配藥同補貨。老人家好易唔記得幾時要攞藥，而靠人手打電話成本高又易遺漏。醫藥通社區藥房系統嘅藥物管理(MMS)模組同聊天機械人(chatbot)功能可以幫你自動化處理：建立健康數據趨勢圖：每次長者返嚟配藥或檢查，藥劑師將數據輸入系統，自動生成血壓血糖趨勢圖。當長者親眼見到自己嘅健康指標喺你嘅跟進下持續改善，對你嘅信任會大幅提升。自動化貼心提醒服務：系統根據藥物剩餘日數，自動喺就快食完前嘅幾日，經WhatsApp或SMS發溫馨提示畀長者或家人，提醒返店配藥，順便睇吓最新嘅健康圖表。咁樣唔單止確保客人唔會斷藥，更帶來再次銷售營養品同護具嘅機會。每次返店都係一次健康覆檢同產品推薦嘅契機，形成「檢查 → 跟進 → 補貨 → 再檢查」嘅良性循環，鎖定長期客源。常見問題（FAQ）長者真係會願意買貴價營養品同器材咩？答：實際上，香港長者同佢哋嘅照顧者喺健康方面嘅開支唔少，關鍵在於有冇專業推薦同信任基礎。只要藥劑師能夠根據體檢數據同用藥紀錄，提供有說服力嘅建議，長者好樂意為改善健康而投資。 2. 藥物管理服務(MMS)會唔會好複雜，要額外人手？答：藥劑師只需每次覆診時更新數據，系統自動生成時間表同趨勢圖，反而節省日後解釋嘅時間。 3. Chatbot自動提醒會唔會令長者覺得太機械化？答：訊息內容可以你地自己設定，而且長者收到提醒後，通常會覺得藥房好細心，唔會忘記佢哋嘅需要。總結：由賣藥變成社區健康夥伴透過引入適切銀髮產品、提供藥物管理服務，再配合數碼化自動提醒系統，藥房唔單止可以幫街坊做好健康管理，更可以建立難以自己嘅口碑同忠誠度，達致雙贏。如果你想進一步了解醫藥通MMS模組同chatbot點樣幫你追蹤數據、留住長期病客，歡迎聯絡我哋預約免費示範，親身體驗數碼化慢病管理帶嚟嘅實際效益。 👇🏻想親身體驗醫藥通如何幫你間藥房效率、營業額雙升級？👇🏻 聯絡我們

【藥房實戰攻略】手寫藥袋易模糊？3秒印出合規專業藥物標籤

2026-07-29Blog 博客, 藥房實戰攻略

【藥房實戰攻略】手寫藥袋易模糊？3秒印出合規專業藥物標籤藥房每日處理唔少處方，傳統手寫藥袋雖然常見，但偶爾會出現字跡潦草、墨水化開嘅情況，長者睇錯服法，影響用藥安全。呢類問題，其實可以透過配藥系統同標籤機解決，快速生成清晰、符合法例嘅藥物標籤，既慳時間，又減少出錯。一、藥物標籤有咩法定要求？根據衞生署藥物辦公室指引，藥房配發處方藥時，標籤必須列明以下7項：病人姓名配發日期藥房名稱及地址藥物牌子名稱或通用名稱單位劑量（如每粒500mg）用量及用法（如每日三次，每次一粒）注意事項或警示語（如服後可能嗜睡）清晰標籤有助病人正確服藥，亦方便患者日後向其他醫護查詢。二、點樣做到自動化標籤列印？用醫藥通社區藥房系統出藥時同步印埋標籤，過程好簡單：揀選患者及輸入處方藥物資料，同平時出藥一樣系統自動帶入姓名、日期、藥房資料、藥名、劑量及用法列印前可以預覽標籤，確認資料無誤考慮到每間機構用嘅標籤機型號未必相同，系統已經預設多個市面上常見嘅尺寸，確保可以一鍵列印，即時輸出標準格式貼紙，貼上藥盒或藥袋。全程毋須手寫，減少筆誤，確保字體清晰。三、小小標籤設計幫到好多人？香港好多長者由外傭或家人照顧，系統支援中英文雙語，仲有由藥劑師輔助設計嘅藥物圖標，令患者同照顧者更容易掌握重點藥物指示。【重要提示】此圖片僅供示範用途，其內容（包括但不限於藥物名稱、用法用量及患者資料）均為模擬數據，並非真實的處方標籤。如欲了解真實、正確的藥物標籤規格及詳情，歡迎聯絡我們查詢。認識藥物圖標：小總結：一張清楚易明嘅藥物標籤，係社區藥房專業服務嘅基礎。透過數碼化系統：減少手寫時間，降低人為失誤符合法規要求中英圖標並用，照顧唔同需要下次去藥健同心社區藥房配藥，如果需要藥物圖標標籤，不妨問問藥劑師可唔可以幫你印埋！ 👇🏻想親身體驗醫藥通如何幫你間藥房效率、營業額雙升級？👇🏻 聯絡我們

【小病小痛對策】濕疹發作痕到瞓唔着？認清藥膏成份，識得用先有效！

2026-07-24Blog 博客, 小病小痛對策

【小病小痛對策】濕疹發作痕到瞓唔着？認清藥膏成份，識得用先有效！每逢轉季或天氣乾燥，皮膚紅腫、乾裂、劇癢難耐？濕疹係香港極常見的皮膚困擾。若屬輕微、小範圍發作，可於社區藥房藥劑師指導下，選用適當的非處方產品作自我護理。今日就同大家拆解保濕重點，以及市面止痕產品的運作原理，幫你建立正確護理觀念。一、止痕先保濕——潤膚劑點揀？好多朋友一痕就諗住搽藥膏，但臨床護理上，做好屏障保濕遠比盲目塗藥重要。由於濕疹皮膚角質層鎖水力弱，水分易流失，刺激物更加容易入侵。市面常見嘅保濕產品按油份含量和質地可分為以下三類，患者應因應天氣、皮膚乾燥程度及個人喜好選擇：油膏（Ointment）油脂含量最高，最鎖水，但質地較粘稠。適合極度乾燥、脫皮，或睡前厚塗。乳霜／乳液（Cream / Lotion）水油混合的劑型。乳霜質地較厚，適合中至嚴重乾燥；乳液質地較稀薄，適合輕微乾燥或日間大面積塗抹。沐浴替代品（Bath oil / Soap substitute）用於代替普通肥皂，避免洗走皮膚天然油脂。浴油適合浸浴使用，潔膚液則適合日常洗澡。盡量避免使用普通梘液，令皮膚過於乾燥。二、認識外用和內服藥物濕疹藥物分為外用和口服兩大類，醫生會按病情決定使用邊一種。止痕抗敏感藥外用抗組織胺（例如 Diphenhydramine）：可以止痕，但假如皮膚有破損，可能使用時會有刺痛感。口服止痕藥：需醫生處方，部分會令人有睡意，適合睡前服用。抗生素（消炎殺菌）用於細菌感染的情況，例如患處流膿。呢類藥物必須經醫生處方，不可自行購買使用。類固醇藥外用類固醇：治療濕疹發炎的主要藥物，分為溫和至特強共七級。使用要點：薄薄塗於紅腫患處，短期使用（通常不超過7天），並不可以擦於傷口上，切勿當作保濕霜長期大面積使用，否則可能導致吸收過量而產生副作用。另外，呢類藥物不能殺菌，絕對唔可以用於癬或瘡等感染性皮膚病。大部分亦都需要經醫生處方，而一旦中斷用藥，病情可能反彈同惡化，所以大家記得根據醫生指示使用。口服類固醇：只會用於嚴重個案，副作用較多，必須嚴格遵從醫生指示服用，不可自行增減劑量或停藥。三、幾時一定要睇醫生？若出現以下情況，請勿自行處理，應盡快求醫：患處流膿、滲水、結黃色硬塊、劇痛濕疹範圍擴大，或波及眼周、面部、私密部位自行護理及用藥7天後毫無改善，甚至惡化伴隨發燒、發冷等全身症狀嬰幼兒首次嚴重發作 💡小貼士處理輕微濕疹，除咗靠食藥控制外，保濕亦都十分重要。記得日常要選用無香料無防腐劑的清潔用品、穿着透氣棉質衣物、定期清潔床上用品同保持心境開朗、有足夠嘅休息都係預防發作嘅關鍵。免責聲明：本文僅提供健康資訊參考，並不構成醫療建議。每個人皮膚狀況不同，如有疑問應諮詢醫生或社區藥房註冊藥劑師。醫藥通正全力支援全港社區藥房數碼化，透過專業系統與醫健通對接，藥劑師能更精準守護大衆用藥安全。 👇🏻歡迎藥房預約免費演示，我哋顧問會馬上聯絡你！👇🏻 聯絡我們