【藥房實戰攻略】街坊欠藥仲靠手寫記錄？拆解 「部分配發」功能點樣幫助藥劑師！ 香港社區藥房嘅日常營運入面，無論係處理公立醫院處方、慢性疾病共同治理計劃嘅藥物，抑或銷售非處方產品，每位註冊藥劑師都或許面對過以下呢啲嘅難題： 醫生處方開咗三個月嘅慢病藥物，但藥房庫存入面某一款血壓藥或糖尿藥嘅存量，唔夠應付成張處方嘅總量。 繁忙時段前線同事用memo紙或傳統「街簿」隨手寫低欠藥記錄，隔兩三日張紙唔見咗、追唔返，同事之間靠口頭對接，好容易亂。 欠藥（Owing）係社區藥房避無可避嘅日常環節。處理得好，能提升街坊對藥房嘅信任；處理得唔好，就可能搞到庫存管理混亂、重複派藥，甚至同病人之間產生醫療溝通嘅誤差。 為咗徹底解決上述行業痛點，醫藥通 PharmCare 社區藥房管理系統提供「部分配發」（Partfill）功能輔助各位藥劑師嘅工作。 一、 部分配發功核心應用場景 PharmCare醫藥通 唔單止係一個電子記錄工具，而係將處方管理同庫存數據深度整合嘅藥房系統，特別適合以下三種實務情況： 慢病處方供應不足 面對長期處方，當某種藥物（例如降膽固醇藥或抗凝血藥）嘅現有庫存未能滿足處方總數時，藥房可以先發放部分劑量畀病人應急，其餘數量等補貨到之後再安排領取。系統會自動記錄尚欠數量，唔使同事再額外人手記低。 自費藥物「先收款、後取貨」 對於唔係成日備貨嘅專科藥物、癌症輔助用藥，或者供應商臨時缺貨嘅保健品，如果病人同意預先畀晒錢，等貨品到舖之後再補領，系統可以確保帳目同實物庫存準確對應，避免財務上嘅差異。 跨團隊及分店之間嘅進度追蹤 對於要輪班作業或者擁有多間分店嘅藥房集團，數碼化嘅欠藥記錄可以讓所有同事即時查閱同一病人嘅配藥狀態，防止因為溝通不足而重複配發，提升營運安全。 二、 系統操作流程：藥劑師三步上手 PharmCare醫藥通 嘅介面設計以藥劑師嘅工作流程為本，操作直觀。喺常規配藥程序入面，只需三個步驟就可以完成部分配發嘅自動化追蹤： 1. 配藥模組調整配發數量 當藥劑師處理處方時發現庫存唔夠，可以直接喺該藥物嘅配發數量欄位輸入實際可以發出去嘅數量。例如處方總數係 21 粒，現貨得 19 粒，藥劑師只需輸入「19」，系統便會自動計算差額（2 粒），並將嗰 2 粒歸入「尚欠」類別。同時，處方狀態會自動標示為琥珀色嘅「部分配發」標籤，方便識別。 2. 列印「處方配發餘數卡」畀病人 確認儲存處方之後，系統除咗列印常規藥袋標籤之外，會同步產生一張清晰嘅「處方配發餘數卡」。張卡上面列明病人姓名、處方編號、藥物名稱、已配發數量同尚欠數量，病人可以憑卡之後返嚟藥房補領，過程透明又標準。 3. 病人回訪時快速完成銷賬 當補貨到咗，病人帶卡返嚟藥房嗰陣，前線人員可以喺系統主頁嘅「尚欠配藥」清單入面，或者經由「患者記錄」查閱該病人嘅完整配藥歷史。記錄入面清楚顯示每次配發嘅數量同尚欠餘額。確認冇問題之後，只需點擊操作欄嘅「覆配」按鈕，系統便會自動跳轉到出藥頁面。 三、 部分配發功能三大效益 醫藥通社區藥房系統提供藥物部分配發功能，唔單止可以優化行政效率，更加能夠提升藥劑師嘅專業介入價值： 雲端交接，減少口頭失誤 以前交接班依賴同事口頭交代「邊個病人下晝會嚟攞藥」，夜更同事一忙就好易唔記得。而家 PharmCare醫藥通 系統入面嘅配藥記錄全面數碼化，當日需要補領藥物嘅病人名單同尚欠數量一目了然，交接過程更加嚴謹可靠。 強化臨床安全覆核 當病人返嚟補領藥物時，藥劑師可以藉呢個機會翻閱幾日前嘅配藥記錄，進行臨床回顧。例如主動問吓病人：「上次開畀你嘅藥，食完之後點樣？有冇唔舒服？」呢個唔單止係對數，更加係一次有價值嘅用藥評估，確保補發嘅藥物同病人正在用嘅其他治療冇衝突，充分展現藥劑師喺基層醫療入面嘅把關角色。 以數據指導庫存策略 對藥房管理層嚟講，系統累積嘅部分配發數據係優化採購決策嘅重要參考。如果某類藥物成日出現欠藥記錄，可能係反映佢嘅安全庫存水平 set 得太低，白白流失咗銷售機會。管理層可以根據呢啲數據調整補貨點同訂貨量，從而改善現金流同庫存周轉。 👇🏻想親身體驗醫藥通如何幫你間藥房效率、營業額雙升級？👇🏻 聯絡我們

【藥房實戰攻略】就嚟暑假，點樣利用藥房系統，快速幫街坊執好「旅行平安藥」？ 每逢黎到暑假、長假期前夕，社區藥房總會迎來一波「旅遊平安藥」嘅配藥高峰期。 「藥劑師，我哋下星期去旅行，幫我執套平安藥備用呀！」 雖然旅行平安藥不外乎傷風感冒、暈浪丸、腸胃藥呢幾大範疇，臨床處方大同小異，但如果每次有客求助，你都要在系統重新搜尋每種臨床藥物、逐一輸入劑量、逐張打印藥物標籤，其實過程都好繁瑣。 今日呢篇實戰攻略，就等我哋一齊拆解如何利用【醫藥通 PharmCare】嘅「藥物組合（Drug Set）」功能，將原本繁瑣嘅輸入流程縮短至 10 秒，實現高效執藥。 第一步：前線超前部署！預先設定「旅行平安藥分類」 智慧藥房系統嘅核心價值在於優化臨床工作流程。在旅遊旺季來臨前，藥劑師可以先在醫藥通系統後台做好以下三步超前部署： 1️⃣ 建立大分類與子分類：在系統內預先設定好「旅行平安藥」大分類，並清晰填寫適應症狀與目標人群。 2️⃣ 導入對應臨床藥物：將相對應嘅 OTC 常備藥（如特定止痛退燒藥、抗組胺藥、止瀉藥、暈浪丸）一次過拉入這個特定組合內。 3️⃣ 預設藥物服用指示及包裝分量：直接在後台預設好常用服法與標準包裝數量（例如：預設一星期嘅臨床標配分量）。 設定好之後點擊儲存，你就成功建立咗一套「旅行平安藥套裝」啦！ 第二步：實戰應對！靈活開單嘅兩大快捷技巧 當有街坊行埋櫃檯需要旅行平安藥，藥劑師可以先進行簡短嘅臨床評估，了解佢哋是否有特定需求、特殊病歷或過往藥物過敏史。確認無誤後，就可以根據街坊嘅實際需要，利用系統進行快速開單： 情況 A：無特殊藥物要求 ➡️ 「一鍵全組合導入」 如果街坊表示無乜所謂，普通標準配備就得，你完全唔需要逐隻藥去打字搜尋、對名。 實戰操作：直接喺醫藥通系統搵出預設嘅「旅行平安藥」組合，按下旁邊嘅「＋」，系統就會一鍵自動將裏面所有藥物、預設數量同預設服用指示完整導入張單度。再用上之前講過嘅快捷鍵技巧，shift+ I  快速出單，幫你縮短 90% 嘅系統輸入時間。 情況 B：只需要精準指定特定藥物 ➡️ 「子分類精準點選」 如果街坊話：「我屋企本身有感冒藥啦，你幫我執暈浪丸同腸胃藥就得。」 實戰操作：你唔需要完全放棄整套藥物組合重新輸入。只需要點開旅行平安藥下面嘅子分類，就可以見到之前已經設定好嘅分類藥物，同上面做法一樣，點擊暈浪丸、腸胃藥旁邊嘅「＋」加入藥單即可。 👇🏻想了解你間藥房點樣低成本轉型？ 依家即刻預約免費演示，我哋顧問會馬上聯絡你！👇🏻 聯絡我們

【藥房實戰攻略】秒速配藥攻略！前線藥劑師必學醫藥通快捷鍵⚡ 每日都有大量藥單要入，喺鍵盤同滑鼠之間來回切換覺得好唔方便？ 其實「醫藥通社區藥房系統」一早內置咗唔同嘅快捷鍵，幫你大大加快工作效率！如果你仲未知道，即刻睇落去了解更多啦！ 💡 唔記得快捷鍵點算？  無論你呢一刻身處系統邊一個頁面，只要同步按下 Shift + H，畫面上就會即時彈出當前頁面嘅 Hotkey 對照表（Help），隨查隨用，非常方便！ 一、 通用操作流：日常管理嘅「無滑鼠」神技 喺日常打理店面、新增資料或者更改設定嗰陣，呢幾組通用快捷鍵可以幫你瞬間完成操作： Tab ── 跳到下一個：輸入藥物劑量（Dosage）、每日服法（Frequency）或配發數量（Quantity）時，善用 Tab 鍵可以直接跳到下一個格子；如果要回頭修改，只需同時按下 Shift + Tab 即可返回上一格。  Shift + N ── 全新開始（New）：快速建立新檔案，無論係要新增產品（Product）定係登記新病人（Patient）資料，一鍵即達。 Shift + E ── 數據匯出（Export）：需要交報告或者盤點數據嗰陣，一鍵快速匯出檔案。 Shift + L ── 切換語言（Change Language）：因應唔同前線同業嘅操作習慣，隨時一鍵喺繁體中文同英文之間無縫切換。 Shift + X ── 帳戶登出（Logout）：交更或者落舖離開櫃檯嗰陣，一鍵安全登出，保障系統私隱。 二、 核心配藥流：秒速出藥與單據列印 來到最繁忙嘅配藥同核對環節，呢組專屬快捷鍵能令你全鍵盤操作，完成從核對到出單嘅完美閉環： Shift + V ── 查閱病人檔案（View Profile）：叫號之後，一鍵即時調出街坊嘅電子藥歷同過敏紀錄，把關用藥安全。 Shift + […]